სახელმწიფო ფოლკლორის ცენტრში 2025 წლის 3 მარტს წმინდა ილია მართლის (ჭავჭავაძის) გაზეთ „ივერიის“ სახელობის Prose–პოეზიის საერთაშორისო პრემია – „ივერია“ წელიწადი XII-ს გალა დაჯილდოება გაიმართა.
პროექტის ფარგლებში გარდა მწერლებისა და კულტურის სხვადასხვა დარგის წარმომადგენლებისა, ასევე დაჯილდოვდნენ ადამიანები, რომლებიც პრემია „ივერიაში“ არიან ჩართულნი, როგორც კულტურული ასევე პარტნიორული თვალსაზრისით. მათ შორის ერთ-ერთი თვალსაჩინო გახლდათ გრიგოლ რობაქიძის სახელობის უნივერსიტეტის რექტორი, დოქტორი, პროფესორი, ბატონი მამუკა თავხელიძე.
„ძალიან მნიშვნელოვანია, რომ პრემია „ივერიის“ ერთ-ერთი დიდი გულშემატკივარი და მისი განვითარების ხელშემწყობია ბატონი მამუკა თავხელიძე, მასთან და მის უნივერსიტეტთან ჩვენი თანამშრომლობა მეტად მნიშვნელოვანი და ნაყოფიერია ქართული კულტურის განვითარებაში და მის პოპულარიზაციაში.
ცხადია, ეს წლებს მოიცავს და, ფაქტიურად, უანგაროდ ეხმარება ამ ერთ-ერთ დიდ სოციალურ-კულტურულ, ინტეგრირებულ საერთაშორისო პროექტს. დღეს უკვე ხმამაღლა ვთქვით ჩვენი მისდამი დამოკიდებულება და გადავეცით წმინდა ილია მართლის (ჭავჭავაძის) გაზეთ „ივერიის“ სახელობის პროზა-პოეზიის საერთაშორისო პრემია – „ივერიის“ ლაურეატობის დამადასტურებელი დიპლომი და (წმინდა ილია მართლის – ჭავჭავაძის) სახელობის ორდენი. ცხადია, ეს ჩვენთვისაც დიდი პატივია, დიდი ძალა და შენაძენია, რომ აღნიშნულ პროექტის ფარგლებში დაჯილდოებულია დიდი ქართველის (გრიგოლ რობაქიძის) სახელობის უნივერსიტეტის დამფუძნებელი და რექტორი, პროფესორი მამუკა თავხელიძე. და კიდევ ერთხელ, მადლობა მას იმისთვის, რასაც იგი აკეთებს პრემია „ივერიის“, ქართული კულტურის საერთაშორისო მასშტაბებით განვითარება-პოპულარიზაციისთვის. აქვე ვისარგებლებთ შემთხვევით და მადლობას ვეტყვით ბატონ მამუკას, რომ ზრუნავს მომავალი თაობის განათლებისთვის აღზრდა-განვითარებისთვის“ – თქვა პრემია „ივერიის“ დამფუძნებელმა ნუგზარ ჭიაბერაშვილმა.
პროექტი ხორციელდება სრულიად საქართველოს კათოლიკოს პატრიარქი, ცხუმ-აფხაზეთისა და ბიჭვინთის მიტროპოლიტი, უწმინდესი და უნეტარესი, ილია მეორის ლოცვა-კურთხევით. პროექტი ხორციელდება 2013 წლის 28 ნოემბრიდან. პროექტი დაწყების პირველივე დღიდან ჩვენ ვიცავთ ევროპასთან ასოცირების ხელშეკრულების მუხლი ნომერი 349-ს დ პუნქტს.
