ერთ-ერთი ყველაზე დიდი სოციალურ-კულტურული პროექტი, – „წმინდა ილია მართლის (ჭავჭავაძის) გაზეთ „ივერიის“ სახელობის პროზა-პოეზიის საერთაშორისო პრემია – „ივერია“ სრულიად საქართველოს კათოლიკოს პატრიარქი, ცხუმ-აფხაზეთისა და ბიჭვინთის მიტროპოლიტი, უწმინდესი და უნეტარესი, ილია მეორის ლოცვა-კურთხევით ხორციელდება.
წელს XII გალა დაჯილდოება გაიმართა, პროექტისა, რომელიც 2013 წლის 28 ნოემბრიდან ხორციელდება.
აღსანიშნავია, რომ პროექტი დაწყების პირველივე დღიდან იცავს ევროპასთან ასოცირების ხელშეკრულების მუხლი ნომერი 349-ს დ პუნქტს.
წლევანდელ დაჯილდოებას სახელმწიფო ფოლკლორის ცენტრმა უმასპინძლა, რომელიც, ტრადიციულად, 3 მარტს გაიმართა. პროექტის ფარგლებში გარდა მწერლებისა და კულტურა-ხელოვნების სხვადასხვა დარგის წარმომადგენლებისა, ასევე დაჯილდოვდნენ ადამიანები, რომლებიც პრემია „ივერიაში“ არიან ჩართულნი, როგორც კულტურული ასევე პარტნიორული თვალსაზრისით. მათ შორის ერთ-ერთი მნიშვნელოვანი გახლდათ ბატონი სერგო ნეფარიძე.
„მადლობა ბატონ სერგო ნეფარიძეს, რომ მნიშვნელოვან როლს თამაშობს პრემია „ივერიის“ განვითარებაში, რომელიც თავის მხრივ ქართული კულტურის განვითარებას და პოპულარიზაციას ემსახურება საქართველოში და საერთაშორისო მასშტაბებით.
ცხადია, ეს უანგარო ღვაწლი დასაფასებელია და ჩვენც ჩვენი მხრიდან შევეცადეთ დაგვედასტურებინა ბატონი სერგოს მიმართ პატივისცემა და გადავეცით წმინდა ილია მართლის (ჭავჭავაძის) გაზეთ „ივერიის“ სახელობის პროზა-პოეზიის საერთაშორისო პრემია – „ივერიის“ ლაურეატობის დამადასტურებელი დიპლომი და (წმინდა ილია მართლის – ჭავჭავაძის) სახელობის ორდენი“ – თქვა პრემია „ივერიის“ დამფუძნებელმა ნუგზარ ჭიაბერაშვილმა.
სერგო ნეფარიძის საქმიანობის შესახებ მოკლე ინფორმაცია:
შპს „ჰიდროგეოლოგიური კომპანია-ინტერგეოუნივერსალი“ დაფუძნდა 2007 წლის 9 მარტს. კომპანიის დამფუძნებელი და გენერალური დირექტორია სერგო (სოსო) ნეფარიძე.
● კომპანია დაარსების დღიდან აწარმოებს 1200 მეტრამდე სიღრმის ჭაბურღილების ბურღვას ბორჯომის მინერალური წყლის საბადოზე, „ბორჯომის“ ტიპის მინერალური წყლის მოპოვების მიზნით.
ბორჯომის საბადოზე კომპანიის მიერ 2007-2024 წლების პერიოდში ჩატარებული ბურღვითი და ჰიდროგეოლოგიური სამუშაოების შედეგად მიღებულია შთამბეჭდავი შედეგები.
● კომპანიის მიერ ნატახტარის უბანზე, სს „კოკა-კოლა ბოთლერს ჯორჯიას“ დაკვეთით გაიბურღა ორი, 150 მ და 200 მ. სიღრმის ჭაბურღილი, ახალი ჩამომსხმელი ქარხნისთვის.
● მაქართის მინერალური წყლის საბადოზე, მდ. შავი არაგვის ხეობაში, გაიბურღა 200 მ სიღრმის ჭაბურღილი და შედგენილი იქნა საექსპლუატაციო მარაგების ანგარიში – სამუშაოების „დამკვეთი“ – სს „იბერის რეფრეშმენტსია“.
● კომპანიის მიერ ჩატარდა უწერის მინერალური წყლის საბადოს ჭაბურღილების აღდგენა-რეკონსტრუქცა. სამუშაოების „დამკვეთი“- შპს „ბიჯიინვენტსმენტი“.
კიდევ ერთხელ შევახსენებთ ჩვენს მკითხველს, რომ პრემია „ივერია“ ერთ-ერთ ყველაზე დიდ სოციალურ-კულტურულ, ინტეგრირებული, მრავალფეროვანი საერთაშორისო პროექტია.
